चितवन – पूर्वी चितवनको राप्ती नगरपालिका–५ कालिका पेट्रोलपम्प नजिक गएराति बस र ट्रक एकापसमा ठक्कर खाँदा एक जनाको मृत्यु भएको छ । मृत्यु हुनेमा खोटाङका ४५ वर्षीय चन्द्रबहादुर श्रेष्ठ रहेको जिल्ला प्रहरी कार्यालय चितवनले जनाएको छ । कार्यालयका प्रवक्ता प्रहरी नायब उपरीक्षक सूर्यबहादुर थापाका अनुसार काठमाडौँबाट काँकडभिट्टातर्फ गइरहेको ना७ख २१११ नंको बस र विपरीत दिशाबाट आइरहेको ना६ख ४२८१ नंको ट्रक...

काठमाडौँ – रविभवनस्थित सोल्टी सिटी अपार्टमेन्टमा आगलागी भएको छ । अपार्टमेन्टको माथिल्लो तलामा आगलागी भएकाे हो । आगो नियन्त्रणका लागि प्रहरी, दमकल र स्थानीयवासी लागि परेका थिए ।  काठमाडौं, ललितपुर महानगरपालिकासहितका दमकलको सहयोगमा आगो नियन्त्रणमा आएको हो ।

सामाजिक सञ्जाल फेसबुकमा विभिन्न इलेक्ट्रोनिक सामानहरू सस्तो मूल्यमा उपलब्ध गराइदिने भन्दै ठगी गर्ने दुई जना पक्राउ परेका छन् ।  पक्राउ पर्नेमा पर्सा पकाहामैनपुर–४ का अजय भन्ने प्रमोद साह र पर्सा बहुदरमाई–८ का मेवालाल साह छन् । उनीहरूलाई ललितपुर प्रहरीले पक्राउपछि आइतबार सार्वजनिक गरेको हाे ।  ललितपुर प्रहरी परिसरका प्रमुख एसएसपी किरण वज्राचार्यका अनुसार प्रमोद साह पर्साबाट र मेवालाल लतिपुरबाट...

काठमाडौं - भद्रकालीस्थित आकाशेपुल नजिक वा ३ ख ४४३७ नम्बरको बस अनियन्त्रित भइ पल्टिँदा तीनजना घाइते भएका छन् ।  महानगरीय प्रहरी परिसरका प्रहरी नायब उपरीक्षक प्रमेश विष्टका अनुसार बिहीबार बिहान भएको दुर्घटनामा घाइते भएकाहरुको अहिले ट्रमा सेन्टरमा उपचार भइरहेको छ ।  घाइतेमध्ये चालकको अवस्था गम्भीर रहेको छ । अन्य घाइतेका पहिचान खुलि नसकेको जनाइएको छ ।  घटनापछि केहीबेर सवारी साधन आवागमनमा समस्या भए...

काठमाडाैं – विद्यार्थीलाई अश्लील म्यासेज पठाएको आरोपमा आरआर क्याम्पसका प्राध्यापक विष्णुप्रसाद आचार्य पक्राउ परेका छन् । प्रहरीले सोमबार साँझ आचार्यलाई पक्राउ गरेको काठमाडौं प्रहरी परिसर प्रमुख एसएसपी अशोक सिंहले जानकारी दिए  । उनीविरुद्ध अभद्र व्यवहार मुद्दा लगाइएको छ । आचार्यलाई काठमाडौं प्रहरी परिसर टेकुमा राखिएको छ ।

झापा – झापाको दमकस्थित बेलडाँगी शरणार्थी शिविरमा सोमबार साँझ आगलागी हुँदा एकजनाको जलेर मृत्यु भएको छ। दमक नगरपालिका वडा नम्बर-३ भुटानी शरणार्थी शिविरको सेक्टर डि फोर हट नम्बर ३२५ का देशमान राईको आगलागीमा जलेर मृत्यु भएको जिल्ला प्रहरी कार्यालय झापाले जनाएकाे छ । आगलागी हुँदा उनी छाप्राभित्र थिए। एकैचोटि आगो उठेपछि छाप्राभित्र सुतेका उनलाई कसैले उद्धार गर्न नसकेको स्थानीयबासीको भनाइ उदृत गर्दै दमक...

भक्तपुर – भक्तपुरको सूर्यविनायकमा रहेको एक मासु पसलबाट सुरु भएको आगलागी अन्यत्र ५ वटा पसलमा फैलिँदा करिव १२ लाख बराबरको क्षति भएको प्रहरीले जानकारी दिएको छ ।  आइतबार राति करिब १२ बजेको समयमा सूर्यबिनायक नगरपालिका ६ पाण्डुबजारस्थित जस्ताको टहरामा भोज बहादुर घिसिङले संचालन गरेको मासु पसलबाट आगलागी सुरु भएको थियो । बिजुलीको तार सर्ट भई उक्त आगलागी भई नजिकैको अन्य पसलहरुमा समेत सल्किन पुगेको प्रहरीको...

बारामा प्रहरी र गाँजा तस्कर समूहबीच गोली हानाहान भएको छ । प्रहरीका अनुसार निजगढ नगरपालिका-१३ भक्तलाल खोलाको बगरमा गएराति १० बजे प्रहरी र गाँजा तस्करबीच गोली हानाहान भएको हो । समूहमा रहेका तस्करले प्रहरीलाई देख्ने बित्तिकै गोली फायर गर्दा प्रतिकारमा ५ राउन्ड हवाई फायर गरिएको जिल्ला प्रहरी कार्यालय बाराले जनाएको छ ।  प्रहरी नायब उपरीक्षक (डीएसपी) गौतम मिश्रका अनुसार घटनास्थलबाट एक जना पक्राउ परेका...

सुर्खेतको गुर्भाकोट नगरपालिका-९ गराले बजारनजिकै भएको बस दुर्घटनामा परी एक जनाको मृत्यु भएको छ । त्यस्तै, दुर्घटनामा परेका एक बेपत्ता र एक जना गम्भीर घाइते भएका छन् । दाङबाट रिजर्भ लिन जाजरकोटको सल्लीबजार जाँदै गरेको बस भेरी नदीमा खसेको थियो । बसमा तीनजना मात्र सवार रहेको गुर्भाकोट नगरपालिकाका-९ का स्थानीय हरि भट्टराईले जानकारी दिए । ‘अहिले भर्खर मात्र घटनास्थलमा प्रहरी आएको छ,’ उनले भने, ‘बस...

कञ्चनपुर – कञ्चनपुरको नेपाल-भारत सीमा क्षेत्रमा भारतीय सीमा सुरक्षा बल एसएसबीले गोली चलाउँदा एक नेपाली घाइते भएका छन् । कञ्चनपुरको दोधाराचाँदनी नगरपालिका वडा नम्बर-१ का नरेन सुनार घाइते भएको संघीय प्रहरी कार्यालय कैलालीले जनाएको छ । सुनारका घुँडामुनि गोली लागेको छ । उनको अवस्था खतरामुक्त रहेको प्रहरीले जनाएको छ । साँझपख सीमा नजिकैको भारतीय वन क्षेत्रमा गएका बेला अचानक गोली चलेको हो ।

काठमाडौं - त्रिभुवन अन्तर्राष्ट्रिय विमानस्थलबाट पेस्तोलमा प्रयोग हुने ५० थान गोलीसहित एक जना पक्राउ परेका छन् । श्री एयरलाइन्सको जहाजबाट भद्रपुर जाँदै गरेका झापा मेचीनगर-२ का बद्रीहाङ राई ९ एमएमको पेस्तोलको गोलीसहित पक्राउ परेका एसएसपी राजेशनाथ बास्तोलाले जानकारी दिए । चेकजाँचको क्रममा विमानस्थल सुरक्षा प्रहरी कार्यालयले राईलाई पक्राउ गरेकाे हो ।

काठमाडौंको कोटेश्वरमा पेस्तोल देखाएर लुटपाटको प्रयास भएको छ ।  आइतबार बिहान एक व्यक्तिले पेस्तोल देखाएर सडकमा उभिएका सिन्धुपाल्चोकका युवराज लामाको मोबाइल थुतेका हुन् । तर, आफूले प्रतिवाद गरी मोबाइल खोसेपछि पेस्तोल छोडेर ती व्यक्ति भागेका २५ वर्षीय लामाले प्रहरीलाई बताएका छन् । यद्यपि, घटनाबारे थप बुझ्ने काम भइरहेको प्रहरीले जनाएको छ ।  लामालाई सोधपुछका लागि भन्दै प्रहरीले नियन्त्रणमा लिएको छ ।