Display Style:
Column Style
उपत्यकाका काँठ क्षेत्रमा खाद्यान्नको मूल्यवृद्धि, अनुगमन सुस्त
Janjati Khabar – जनजाति खबर | २०७६ चैत्र २८, शुक्रबार
बन्दाबन्दी (लकडाउन) सँगै कालाबजारी, कृत्रिम अभाव र मूल्यवृद्धिले संस्थागत रुप लिएपछि घरभित्र बसेका मानिस खान नपाइने चिन्तामा परेका छन् । बूढानीलकण्ठ, गोकर्णेश्वर, कागेश्वरी मनोहरा, शङ्खरापुरलगायत उपत्यकाका नगरपालिकाका काठ क्षेत्रका विभिन्न स्थानमा बन्दाबन्दीका नाममा प्रहरीले अत्यावश्यक सेवाका पसल बन्द गर्न दबाब दिने गरेको व्यवसायीको भनाइ छ । प्रहरीले पसल बन्द गर्न भनेको भन्दै साहुले सटर बन्द गरी भित्रबाट उपभोक्ता छिराएर मनपरी मूल्य असुल्न थालेका हुन् । बूढानीलकण्ठको चुनिखेल, पैयुँटार, सिमलटार, गोकर्णेश्वरको जोरपाटी, नारायणटार, दक्षिणढोका, माकालबारी, बालुवा, सुन्ताखान, पाखाथोक, नयाँपाटी, सुन्दरीजललगायत स्थानमा यस्तो भइरहेको उपभोक्तावादी श्याम भण्डारीले गुनासो गर्नुभयो । यी ठाउँका पनि मुख्य बजारभन्दा भित्री ठाउँमा बढी मूल्य लिने गरिएको छ । चिनी, चिउरा, तेल, नून, दाल, चामल, तरकारीलगायत अत्यावश्यक वस्तुमा यस्तो हुन थालेको हो । यी सामानमा किलोमा रु १० देखि ३० सम्म मूल्यवृद्धि भएको उहाँले गुनासो गर्नुभयो । बजार अनुगमन गरी यो समस्याको समाधान नगरे मूल्य आकाशिने उपभोक्ताको गुनासो छ । महानगरीय प्रहरी वृत्त बौद्धका प्रमुख प्रहरी नायब उपरीक्षक नवीन कार्की प्रहरीले अत्यावश्यक सेवाका पसल बन्द नगराएको बताउनुहुन्छ । धेरै ठाउँमा वडा कार्यालय, टोलवासीले पसल खुल्ने समय तोकी अरु समय बन्द गर्न लगाएको सूचना आफूले पाएको उहाँले सुनाउनुभयो । बढी मूल्य लिएको, कृत्रिम अभाव सिर्जना गर्ने व्यापरीलाई समातेर कानूनी कारबाहीको प्रक्रियामा अघि बढाइने प्रहरीको प्रतिबद्धता छ । कागेश्वरी नगरपालिकाका गागलफेदी, आलापोट, भद्रवास, डाँछी, थली, मूलपानी, गोठाटार, शङ्खरापुर नगरपालिकाको पालुबारी, बज्रयोगिनी, नाङ्लेभारे, पटापलगायत राजधानीकै दुर्गम स्थानमा पनि यस्तो समस्या आउन थालेको स्थानीयवासीको गुनासो छ । बन्दाबन्दीको १८ औँ दिनसम्म यी क्षेत्रहरुम केन्द्रीय वा स्थानीय कुनै पनि सरकारले बजार अनुगमन तीव्र नबनाउँदा बजारमा मनपरी मूल्य लिने, सामान लुकाउने जस्ता गलत क्रियाकलाप हुन थालेको नाङ्लेभारका गोविन्द दङ्गालले सुनाउनुभयो । स्थानीयस्तरमा नगर उपप्रमुखकै संयोजकत्वमा अनुगन समितिको व्यवस्था भए पनि त्यसले प्रभावकारी रुपमा काम गर्न नसकेको गागलफेदीका वासिन्दा जानुका ढकालले गुनासो गर्नुभयो । जनता सङ्कटमा परेका बेला सचेततापूर्वक सक्रिय हुनुपर्ने अनुगमन समितिका बारेमा नसुनेको नगरपालिकाका पीडित उपभोक्ताको गुनासो छ । सरकारले खाद्य कम्पनीबाट अनलाइन सम्पर्कका आधारमा बिक्री गर्ने भनेको सामान पनि चक्रपथभित्र हुने भएकाले त्यसबाहिरका पीडित समस्यामा पर्ने गरेका छन् । गोकर्णेश्वर नगरपालिकाका उपप्रमुख एवं अनुगमन समिति संयोजक शान्ति नेपाल बजारमा अनियमितका सूचना आउन थालेकाले बन्दाबन्दीकै बीच बजार अनुगमनको तयारी गर्न लागिएको बताउनुहुन्छ । बन्दाबन्दीका कारण सामान ल्याउने सवारी नपाउने, सामान राख्ने र निकाल्नेका कामदारको अभाव भएको भन्दै व्यवसायीले बढी मूल्य लिने थालेका हुन् । अनुगमन समिति सक्रिय हुने हो भने यस्ता घटनामा कमी आउने स्थानीयवासीको भनाइ छ । शङ्खरापुर नगरपालिकाका उपप्रमुख शुक्रलक्ष्मी श्रेष्ठ बढी जनघनत्व रहेको साँखु क्षेत्रमा बजार अनुगमन, अत्यावश्यक सामग्री बिक्री हुने पसल खुला गराउन लगाउने गरिए पनि नगर क्षेत्रको दुर्गम भेगमा पुग्न नसकिएको स्वीकार्नुहुन्छ । “
कीर्तिपुरका उपमेयर राहत वितरणको अनुगमनमा
Janjati Khabar – जनजाति खबर | २०७६ चैत्र २८, शुक्रबार
ललेन्द्र शाक्य
कीर्तिपुर – कीर्तिपुर नगरपालिकामा प्रत्येक वडाबाट भइरहेको राहत वितरणको अनुगमन गर्न उपमेयर सरस्वती खड्का रिजालको संयोजकत्वमा अनुगमन समिति गठन भएको छ । यस अनुगमन समितिले प्रत्येक वडामा भइरहेको राहत वितरणको अनुगमन पनि गरिरहेको छ । कोरोना संक्रमण रोकथामको लागि नेपाल सरकारले देशभर लकडाउन लागु गरेपश्चात् खाद्य सामग्री अभाव हुन नदिन नगरपालिका, गाउँपालिकामार्फत् राहत वितरण भइरहेको छ । यसैक्रममा कीर्तिपुर नगरपालिकाले पनि आफ्ना १० वटै वडाबाट राहत वितरणलाई निरन्तरता दिइरहेको छ । राहत वितरणको लागि प्रत्येक नगरपालिकालाई जिम्मेवारी दिए पनि त्यसमा अनियमितता, असन्तुलन एवं भ्रष्टाचार हुन नदिन एक सर्वदलीय समिति गठन गरी अनुगमन पनि भइरहेको छ । राहत वितरणमा कुनै पनि वडा वा व्यक्तिबाट अनियमितता र स्वार्थपूर्ण कार्य भएमा कडा कारबाही गरिने जानकारी दिँदै राहत वितरण अनुगमन सर्वदलीय समितिका संयोजक रिजालले भने, “कीर्तिपुर नगरभित्र राहत वितरणलाई व्यवस्थित, सुरक्षित एवं स्वार्थरहित बनाएर स्तरीय वितरण प्रणाली बनाउने र यसको लागि नगरपालिकाको संयोजकत्वमा एक अनुगमन सर्वदलीय समिति गठन गरी प्रत्येक वडाबाट भइरहेको राहत वितरणको अनुगमन भइरहेको छ ।” उपमेर रिजालले राहत वितरण अनुगमन सर्वदलीय समितिमा कीर्तिपुर नगरका सम्पूर्ण राजनीतिक पार्टीका प्रतिनिधिलगायत विभिन्न सामाजिक संघसंस्थाका अभियन्ता तथा सम्बन्धित व्यक्तिहरु समाविष्ट गरेको जानकारी दिएका छन् । खड्काले भने, “समितिमा नेपाली कांग्रेस, नेपाल मजदुर किसान पार्टी, नेपाल कम्युनिष्ट पार्टीलगायत अन्य पार्टीका प्रतिनिधिहरु समावेश छन् ।” लकडाउनको समय नगरबासीलाई समस्या परेमा वडा वा नगरपालिकामा सम्पर्क गर्न पनि रिजालले नगरबासीमा अनुरोध गरेका छन् । Categorized in
राहतको तस्बिर सामाजिक सञ्जालमा नहालौं : कीर्तिपुर मेयर
Janjati Khabar – जनजाति खबर | २०७६ चैत्र २८, शुक्रबार
ललेन्द्र शाक्य
कीर्तिपुर – लकडाउनको समय नगरपालिकाबाट वितरण भइरहेको राहत वितरणको तस्बिर सामाजिक सञ्जालमा पोष्ट नगर्न कीर्तिपुर नगरपालिकाका मेयर रमेश महर्जनले अनुरोध गरेका छन् । कोरोना संक्रमण रोकथाम तथा नियन्त्रणको लागि जारी लकडाउनको समय नगरबासीको खाद्यान्न समस्यालाई मध्यनजर गर्दै नगरपालिकाले राहत वितरण गरिरहेको छ । राहत वितरण प्रचारात्मक कार्य नभएको जनाउँदै मेयर महर्जनले भने, “नगरभित्र दैनिक ज्यालादारी गर्ने मजदुर र विपन्न वर्गलाई राहत दिनु नैसर्गिक अधिकार, कर्तव्य, दायित्व र मानवीय कार्य हो । यो कुनै प्रचारात्मक कार्य हैन । वडा सदस्यहरुले राहत वितरणको तस्बिर रेकर्डको लागि राख्नसक्ने भए पनि सामाजिक सञ्जालमा पोष्ट गरेर प्रचारबाजी नगर्न म अनुरोध गर्दछु ।” सामाजिक सञ्जालमा राहत वितरणका तस्बिर पोष्ट गर्नु ढोंगी र स्वार्थपूर्ण कार्य भएकोले राहत वितरणलाई प्रचारात्मक नबनाएर मानवीय कार्यको रुपमा अघि बढाई यसप्रति सम्वेदनशील हुन पनि मेयर महर्जनले अनुरोध गरेका छन् । कीर्तिपुर नगरपालिकाले विभिन्न संघसंस्थासँग समन्वय गरी नगरभित्रका १० वटै वडामा राहत वितरण गरिरहेको छ । यसको साथै लकडाउनको समय नगरपालिकाले ट्यांकरबाट पानी वितरण पनि गरिरहेको छ । Categorized in
रातो मछिन्द्रनाथको रथयात्रा पनि स्थगित
Janjati Khabar – जनजाति खबर | २०७६ चैत्र २८, शुक्रबार
Categorized in
चापागाउँको चन्द्रभैरवको जात्रा स्थगित
Janjati Khabar – जनजाति खबर | २०७६ चैत्र २३, आइतबार
कोरोनाको कारण कीर्तिपुरमा सहिद दिवस स्थगित
Janjati Khabar – जनजाति खबर | २०७६ चैत्र २१, शुक्रबार
रातो मछिन्द्रनाथको रथायात्रा हुने
Janjati Khabar – जनजाति खबर | २०७६ चैत्र २०, बिहिबार
विजयरत्न असंबरे
ललितपुर – विश्वव्यापी महामारीको रुपमा फैलिरहेको कोरोना संक्रमणको रोकथाम तथा नियन्त्रणको लागि अहिले देशभर लकडाउनको अवस्था छ । यस अवस्थालाई मध्यनजर गर्दै काठमाडौंमा पाहांचःह्रे जात्रा, सेतो मछिन्द्रनाथको रथयात्रालगायत धेरै जात्रापर्व स्थगित भइसकेका छन् । तर ललितपुरमा भने आवश्यक प्रबन्ध मिलाएर रातो मछिन्द्रनाथ (बुंगःद्यः)को महास्नान (न्हवं)लगायत रथयात्राको लागि रथ निर्माण सुरु गरिएको छ । ललितपुरको टंगल बहालअगाडि घःमाः (रथ अगाडि भैरवको मुखाकृति रहने भाग)को निर्माण कार्य थालिएको छ । गुठी संस्थान ललितपुर शाखाका राजन भुजूको प्रमुख उपस्थितिमा बुधबार बसेको एक बैठकले रातो मछिन्द्रनाथको महास्नान यही चैत २७ गते लगनखेलमा गर्ने निर्णय गरेको छ । यसैगरी चैत २७ गते हामोकी (किला) ठोकेर चैत २८ गतेदेखि पूल्चोकमा रथ निर्माण गर्ने निर्णय भएको पनि रथ निर्माणका सिकर्मी समूहका नाइके दिलकुमार बाराहीले जनजाति खबरलाई जानकारी दिएका छन् । महास्नानमा सहभागी हुन १३ जना पुजारी, पूल्चोकमा हामोकी पूजा गर्न बाराही गुठीका ५ जना नाइके, यवाः तथा अन्य गुठीका दुई–दुई गरी ६ जना गुठीयारको लागि आवतजावतको सुरक्षाप्रबन्ध मिलाउन जिल्ला प्रशासन कार्यालय ललितपुरसँग बैठकले अनुरोध पनि गर्ने भएको छ । स्मरणीय छ, यही २०७७ साल वैशाख १२ गते रातो मछिन्द्रनाथलाई रथारोहण गराई १५ गतेदेखि रथयात्रा हुने भएको छ । Categorized in
लकडाउनमा अवधिभर ललितपुरमा घुम्ती पसल
Janjati Khabar – जनजाति खबर | २०७६ चैत्र २०, बिहिबार
रगतको अभाव भएपछि दातादाई रेडक्रसको आह्वान
Janjati Khabar – जनजाति खबर | २०७६ चैत्र २०, बिहिबार
रगतको चरम अभाव भएपछि नेपाल रेडक्रस सोसाइटी झापाले स्वेच्छिक रक्तदानका लागि आह्वान गरेको छ । सरकारले कोरोना भाइरसको सङ्क्रमण रोकथाम र नियन्त्रणका लागि लकडाउन गरेपछि रक्तदानसमेत ठप्प भएको छ । सोसाइटीका झापा अध्यक्ष लोकराज ढकालले तत्काल रक्तदान अभियान सञ्चालन नगरिने हो भने जिल्लामा रगतको हाहाकार हुनसक्ने बताउनुभयो । सरकारले अस्पतालको ओपिडी सेवा बन्द गराए पनि सुत्केरी, डायलासिस र आकस्मिक शल्यक्रियाका लागि रगतको माग उच्च छ । विर्तामोड ब्लडबैंकबाट बीएण्डसी हस्पिटल, विर्तासिटी हस्पिटल, कनकाई हस्प्टिल, कञ्चजङ्घा हस्प्टिल, सञ्जीवनी हस्पिटल, मनमोहन सामुदायिक हस्पिटललगायत ठूला अस्पतालमा रगतको आपूर्ति हुँदै आएको छ । विर्तामोड ब्लडबैंकमा आज बिहानसम्ममा जम्मा १२ पिन्ट मात्र रगत मौज्दातमा रहेको विर्तामोड रेडक्रस सोसाइटी उपशाखाका अध्यक्ष शिवोकोटीले बताउनुभयो । रेडक्रस सोसाइटीले विर्तामोडको बीएण्डसी हस्पिटल परिसरमा सञ्चालन गरेको ब्लडबैंकमा पनि रगतको मौज्दात सकिएको छ ।
कामपाका सबै स्थानमा नियमित फोहर संकलन हुने
Janjati Khabar – जनजाति खबर | २०७६ चैत्र १५, शनिबार
काठमाडौँ महानगरपालिकाले केही दिन फोहर उठ्न समस्या भए पनि अहिले नियमित फोहर व्यवस्थापनको काम भइरहेको जनाएको छ । कामपाका प्रमुख विद्यासुन्दर शाक्यले रासससँग कुरा गर्दै कोरोना भाइरसको संक्रमणको कारण व्यवस्थापनमा समस्या हँुदा फोहर नउठे पनि आगामी दिनमा नियमित फोहर संकलन हुने दृढता व्यक्त गर्नुभयो । केही दिनअघि बानेश्वर, कोटेश्वर, अनामनगरलगायत स्थानमा नियमित फोहर नउठेको स्थानीय गुनासो आएपछि प्रमुख शाक्यले आगामी दिनमा कुनै स्थानको फोहर व्यवस्थापनमा समस्या आए ११८० मा फोन गर्न आग्रह गर्नुभयो । फोन आएपछि तत्काल कामपाको फोहर संकलन गर्ने सवारी साधन आउने उहाँले ठोकुवा गर्नुभयो । फोहर मात्रै नभई अहिलेको विषम परिस्थितिमा स् अन्य कुनै समस्या परे पनि आफ्नो सम्बन्धित वडा कार्यालयमा जानकारी गराएर सहजीकरण गर्न पनि उहाँले सबै नागरिकलाई आग्रह गर्नुभयो । विश्वभर फैलिएको कोभिड – १९ को संक्रमण फैलन नदिन सरकारले यही ११ गतेदेखि देशभर लकडाउन गरेको छ । लकडाउनका समयमा दैनिक उपभोग्य वस्तुको कुनै समस्या परे सम्बन्धित वडा कार्यालयलाई सम्पर्क गर्न पनि प्रमुख शाक्यले अनुरोध गर्नुभयो । उहाँले दैनिक खाद्य वस्तुको अभाव सिर्जना हुन नदिन पनि कामपाले नियमित अनुगमन गरिरहेको भन्दै कतै कालोबजारी भएको भए खबर गर्न सम्बन्धित सबैमा आग्रह गर्नुभएको छ । कामपाले कोभिड–१९ थप फैलन नदिनका लागि सार्वजनिकस्थलमा कीटनाशक औषधि छर्किने कामलाई पनि तीव्र बनाएको छ । यसक्रममा बिहीबार बबरमहल, बानेश्वर, तीनकुने, सिनामंगल, जमल, लाजिम्पाट, पानीपोखरी हुँदै महाराजगञ्ज, वसन्तपुर र यसका आसपास भित्री क्षेत्रमा केन्द्रित गरी उक्त औषधि छर्किएको थियो । कामपाका प्रमुख शाक्यका अनुसार बाक्लो बस्ती, अत्यावश्यक सामग्री लिन चहलपहल धेरै हुने र अस्पताल क्षेत्रलाई प्राथमिकतामा राखेर सकेसम्म सेवालाई शहरभरि पु¥याउने रणनीतिका आधारमा काम भइरहेको बताउनुभयो । सरकारले लकडाउन गरेको दोस्रो दिनदेखि कामपाले औषधि छर्न शुरु गरेको हो । कामपाका नगर प्रहरी महाशाखा प्रमुख धनपति सापकोटाका अनुसार अहिले पनि उक्त कार्यलाई निरन्तरता दिइएको छ । मानिसको भीडभाड बढी हुने स्थान वीर अस्पताल, भित्री शहरका स्थान असन, इन्द्रचोकसँगै टेकुस्थित शुक्रराज ट्रपिकल तथा सरुवारोग अस्पताल, कालीमाटी तरकारी बजारलगायत स्थानमा औषधि छर्कने कार्यको शुरुआत भएको हो । कामपाले अहिले दैनिक चार हजार लिटर क्षमताका दश ट्याङ्करमार्फत कीटनाशक औषधि छर्किन शुरु गरेको र आवश्यकतानुसार ट्याङ्कर थप गर्न सकिने सापकोटाले बताउनुभयो । प्रमुख शाक्यले नागरिकलाई समस्या आए तत्काल जनप्रतिनिधिलाई खबर गर्न आग्रह गर्दै जुनसुकै समय पनि जनप्रतिनिधिलाई सम्पर्क गर्न सकिने बताउनुभयो । यससँगै कामपाले ब्रुमरले सडक सफा गर्ने काम पनि निरन्तर रुपमा गरिरहेको छ । आवश्यक पर्दाका समयमा खबर गर्नका लागि कामपाका सबै वडाध्यक्षको फोन नम्बर सार्वजनिक गरिएको छ । ---
