Display Style:
Column Style
‘नेवाः मंकाः दबू’ निर्माणमा नेवाः देय् दबूको सहकार्य
Janjati Khabar – जनजाति खबर | २०७६ चैत्र ४, मंगलबार
आनन्दसिद्धिको ‘लिजः’ प्रकाशित
Janjati Khabar – जनजाति खबर | २०७६ चैत्र २, आइतबार
नेवाः सुचना केन्द्रका अमिरमैयाँ रञ्जितको सहयोगमा
Categorized inसाहित्यकार पुष्पराज राजकर्णिकारको एकल कथावाचन
Janjati Khabar – जनजाति खबर | २०७६ चैत्र १, शनिबार
राजेन्द्र रञ्जित, नेवाः सुचना केन्द्रको सहयोगमा
Categorized inकामपा न्यायिक समितिः भौतिक सुविधा र जनशक्तिको अभाव
Janjati Khabar – जनजाति खबर | २०७६ चैत्र १, शनिबार
संविधानले स्थानीय तहको अदालतका रुपमा परिकल्पना गरेको न्यायिक समिति अझै पूर्णरुपमा कार्यान्वयनमा आउन सकेका छैनन् । न्यायिक समितिबाट हुने फैसला र मिलापत्रका मुद्दा कार्यान्वयनमा समस्या देखिएको हो । समितिको प्रमुखमा सम्बन्धित स्थानीय तहका उपप्रमुख रहने व्यवस्था छ । काठमाडौँ महानगरपालिकाकी उपप्रमुख हरिप्रभा खड्गीले समितिलाई पूरा काम गर्नसक्ने बनाउन भौतिक सुविधा र जनशक्तिको अभाव रहेको बताउनुभयो । उहाँले भन्नुभयो, “फैसला गर्नुपर्ने खालका मुद्दाका लागि अझै दक्ष जनशक्ति चाहिएको छ ।” दक्ष जनशक्ति अभावकै कारण अधिकांश मुद्दामामिला मिलापत्रबाट निरुपण गर्ने गरेको उहाँले बताउनुभयो । “मिलापत्रबाट टुङ्ग्याएका मुद्दा पनि कार्यान्वयन हुँदैनन्”, उहाँले भन्नुभयो, “समितिमा छलफल गर्दा पीडक पक्ष सहमतिमा आएर पनि अटेरी गर्ने गरेको पाइएको छ ।” उहाँका अनुसार समितिमा पर्ने उजुरीमध्ये अधिकाँश घरकोठा खाली गराउन, बाटो खुलाइदिन, घरभाडा भाग लगाइदिन, घरवहाल बुझाएर मालसामान फिर्ता दिलाइदिन, मेलमिलाप गराइदिन, व्यवसाय सञ्चालनमा अवरोध हटाइदिनजस्ता रहेका छन् । त्यसैगरी नक्साविपरीत निर्माण हुँदै गरेका टहराको निर्माणकार्य रोक्का गर्न, बिनाकारण घरभाडाबाट हटाउन लागेकाले त्यस्तो कार्य रोक्का गर्न, बस्ने कोठा उपलब्ध गराइ पाउन, कुटपिट गरेकाले कारवाही गरिदिनेजस्ता उजुरी पर्ने गरेको उहाँले जानकारी दिनुभयो । उहाँका अनुसार गत वर्षसम्म सम्बन्धविच्छेदका उजुरी पनि पर्ने गरेका थिए । अहिले पुरुषले पनि सिधैँ अदालत जान पाउन थालेपछि समितिमा यस प्रकारका उजुरीको सङ्ख्या घट्दो क्रममा रहेको छ । समितिका संयोजक खड्गीले भन्नुभयो, “हामी राजनीतिक पृष्ठभूमिका मान्छे, कसैलाई अगाडि र कसैलाई पछाडि पार्नु छैन । वादी÷प्रतिवादी दुवै पक्ष हाम्रा लागि समान छन् । त्यसैले दुवैलाई लाभ हुने गरी न्यायिक मनको प्रयोग गरेर मेलमिलाप गराउने प्रयास गर्छौँ ।” उहाँले पछिल्लो समयमा समितिमा उजुरी दिनेको सङ्ख्यामा वृद्धि हुँदै गएको बताउनुभयो । चालु आर्थिक वर्षको अहिलेसम्ममा २४७ उजुरी दर्ता भएका छन् । तीमध्ये तीमध्ये गत वर्षको दायित्व सरेर आएका ९४ र नयाँ उजुरी १५३ रहेका छन् । दर्ता भएका उजुरीमध्ये अहिलेसम्म १७७ फछ्र्योट भइसकेको कामपा न्यायिक समितिले जनाएको छ । विवाद सिर्जना भएको ठाउँमै मेलमिलापका माध्यमबाट निरुपण गर्ने नीतिअनुरुप महानगरले केन्द्रमा एउटा र हरेक वडामा एक÷एक वटा मेलमिलाप कक्षको स्थापना गरिएको छ । मुद्दाका पक्ष–विपक्षले आफूले चाहेको मेलमिलापकर्ता छानेर मेलमिलापको प्रक्रियामा जाने व्यवस्था गरेको बताइएको छ ।
कोरना भाइरसबाट बच्न जागरणमूलक सफाइ अभियान
Janjati Khabar – जनजाति खबर | २०७६ चैत्र १, शनिबार
वाग्मती सफाइ महाअभियानलाई कोरना भाइरसविरुद्ध जनचेतना फैलाउन उपयोग गर्न थालिएको छ । सफाइ महाअभियानको ३५७औँ हप्तामा आज सिनामङ्गल पुल क्षेत्र वरपर घरआँगन, सडक, नदीलगायत स्थल सफा राखौँ भन्दै जागरण गरिएको छ । तीनवटै सुरक्षा निकायलाई गत हप्ताको सफाइ अभियानदेखि नै नआउन भनिएको छ । सुरक्षा निकाय भाइरसविरुद्ध लड्ने क्रममा अन्यत्र व्यस्त हुनुपर्ने भएकाले नआउन भनिएको हो । धेरै मानिस जम्मा हुँदा कोरना भाइरसका कारण सङ्क्रमण फैलन सक्ने भएकाले निश्चित अभियानकर्मी मात्र जम्मा भएर चेतना फैल्याइएको अधिकारसम्पन्न वाग्मती सभ्यता एकीकृत विकास समिति सञ्चालक सदस्य माला खरेलले जानकारी दिनुभयो । आजको जागरणमूलक सफाइ अभियानमा १४ संस्थाका १२० अभियानकर्मीको सक्रियता थियो । सफाइबाट दुई मेट्रिक टन फोहर व्यवस्थापन गरिएको पनि उहाँले बताउनुभयो । यसैगरी चक्रपथ पश्चिम खण्ड सफाइ अभियानको १३७औँ हप्तामा काठमाडौँ महानगरपालिका–१३ र नागार्जुन नगरपालिका–४ क्षेत्रमा जनचेतनामूलक अभियान सञ्चालन गरियो । सफाइसँगै गरिएको जागरणमूलक कार्यक्रममा शुभेच्छा अन्तरराष्ट्रिय अस्पतालका प्रबन्ध निर्देशक डा होमप्रसाद अधिकारीले कोरनाका कारण नेपालमा धेरै डराउनुपर्ने अवस्था नभए पनि सचेत हुन आवश्यक रहेकामा जोड दिनुभयो । सो अवसरमा कोरना भाइरसको सङ्क्रमणको त्रासलाई उपयोग गर्दै बजारमा कालोबजारी, कृत्रिम अभाव एवं मूल्यवृद्धिविरुद्ध विरोधसमेत प्रदर्शन गरिएको सफाइ अभियानका संयोजक ताराबहादुर कुँवरले बताउनुभयो । केही हप्ता यस्तै कार्यक्रमलाई निरन्तरता दिइने उहाँले बताउनुभयो । सफाइ अभियानका क्रममा गुह्येश्वरीमाथिको वाग्मती, रुद्रमती, विष्णुमती, चक्रपथको उत्तरखण्ड, मनोहरा, वाग्मतीको तिलगङ्गा र सुन्दरीघाट, ललितपुरको गोदावरी खोलालगायत स्थानमा पनि कोरनाविरुद्ध जनचेतनामूलक अभियान गरिएको थियो । यी सफाइ अभियानमा निश्चित अभियानकर्मी मात्र उपस्थित भई जागरणमूलक कार्यक्रम गरिएको थियो । विसं २०७० जेठ ५ गतेदेखि शुरु भएको वाग्मती सफाइ महाअभियानबाट प्रभावित भई हालसम्म देशभरका १०६ भन्दा बढी स्थानमा चेतनामूलक सफाइ अभियान चलिरहेको छ । देशका अन्य स्थानमा सञ्चालन भइरहेको सफाइ अभियानले पनि चेतनामूलक कार्यक्रम गरी कोरनाविरुद्ध बच्न जागरण फैलाउने महाअभियानले जनाएको छ ।
काठ नहुँदा इच्छाकामना मन्दिर पुनःनिर्माण रोकियो
Janjati Khabar – जनजाति खबर | २०७६ फाल्गुण २९, बिहिबार
चितवनको इच्छाकामना–५ मा अवस्थित ऐतिहासिक धार्मिकस्थल इच्छाकामना मन्दिर पुनःनिर्माण ढिलाइ भएको छ । गोरखाको मनकामनाको सात दिदी बहिनीमध्ये इच्छाकामनालाई एक मानिन्छ । पछिल्लो समय काठ अभावभएपछि पुनःनिर्माणमा ढिलाइ भएको मन्दिर संरक्षण समितिका अध्यक्ष रामप्रसाद बोहोराले जानकारी दिनुभयो । उहाँका अनुसार मन्दिर जीर्ण भएपछि गत असारदेखि जगैबाट भत्काइ पुनःनिर्माण थालिएको थियो । काठ अभाव भएपछि विसं २०७६ असोज महिनादेखि काम ठप्प रहेको छ । उहाँले भन्नुभयो, “असोज महिनादेखि काठ उपलब्ध नभएपछि मन्दिर निर्माणको काम ठप्प भएको छ, अब काठ ल्याउनका लागि प्रक्रिया अघि बढिसकेको छ, चाँडै काम पुनः सञ्चालन हुनेछ ।” गाउँपालिका अध्यक्ष गीताकुमारी गुरुङले काठ अभावका कारण काम रोकिएको बताउनुभयो । उहाँले काठ उपलब्ध गराउन गाउँपालिकाले समन्वय र सहयोग गरिराखेको जानकारी दिनुभयो । मन्दिर निर्माणका लागि झण्डै रु तीन करोड लाग्ने जनाइएको छ । प्रदेश सरकारबाट रु ५० लाख र गाउँपालिकाबाट रु ७५ लाख बजेट उपलब्ध भई काम शुरु गरिएको मन्दिर संरक्षण समितिका अध्यक्ष बोहोराले बताउनुभयो । हालसम्म मन्दिर पुनःनिर्माणको काम ३३ प्रतिशत सम्पन्न भएको बताइएको छ । मन्दिर पुनःनिर्माण भइरहे पनि दैनिक पूजाआजा रोकिएको छैन । अहिले मन्दिर बाहिर प्रतिमा निर्माण गरेर पूजा गर्ने व्यवस्था मिलाएको छ । प्रत्येक वर्ष मङ्सिरको ठूलो एकादशीपछि पञ्चमी तिथिमा मन्दिरमा मेला लाग्ने गर्दछ । मेलामा राँगा, बोका, हाँसको अण्डा र कुखुराको बलि दिइन्छ । मेलामा देशका विभिन्न स्थानबाट दर्शनार्थी आउने गर्दछन् । रातभर नाचगान र रमाइलो गरेपछि बिहान पूजाआजा गरिन्छ । मन्दिर सामुद्रिक सतहदेखि एक हजार ८०० मिटरको उचाइमा रहेको छ । इच्छाकामनाको वरपर जङ्गलले ढाकेको छ । फागुन, चैतमा फुल्ने लालीगुराँसले वरिपरिको वातावरण रङ्गीन बन्छ । वनपाखा फूलले ढकमक्क हुन्छन् । इच्छाकामनाबाट सफा मौसममा हिमाली शृङ्खला मनास्लु, गणेश माछापुच्छे«सम्म देख्न सकिन्छ । मोटरबाटो खुलेपछि पछिल्लो समय मनकामना आएका दर्शनार्थी इच्छाकामना पनि आउने गरेको पुजारी हर्कबहादुर गुरुङले बताउनुभयो । मन्दिर दर्शन गर्न आउने दर्शनार्थी तथा पर्यटकको आवागमनमा वृद्धि हुँदै आएको स्थानीय होटल व्यवसायी ज्ञानबहादुर गुरुङ बताउनुहुन्छ । –––
कोरोनाभाइरसको त्रासले थँबहिलको चकंद्यः जात्रा प्रभावित
Janjati Khabar – जनजाति खबर | २०७६ फाल्गुण २७, मंगलबार
विभिन्न सम्मानहरु दिँदै राजोपाध्याय समाजको छैठौं वार्षिक साधारण सभा सम्पन्न
Janjati Khabar – जनजाति खबर | २०७६ फाल्गुण २७, मंगलबार
कार्यक्रममा आ आफ्नो क्षेत्रमा विशिष्ट योगदान दिँदै समाजको नाम उच्च बनाएको भन्दै दुई जना व्यक्तित्वलाई सम्मानित गरिएको थियो ।
धर्म, सँस्कृति, परम्पराको अध्ययन, अनुसन्धानमा निरन्तर योगदान पु¥याउने सँस्कृतिविद् महेश्वर जुजु राजोपाध्यायलाई सम्मान गरियो ।
यसैगरि बास्केटबल खेलका राष्ट्रिय खेलाडी सुब्रत राजोपाध्याय पनि सम्मानित भए । सम्मानित दुवैलाई समाजका अध्यक्ष अमरराज राजोपाध्यायले दोसल्ला ओढाए भने दबूका अध्यक्ष ताम्रकारले सम्मान पत्र प्रदान गर्नुभयो ।
सम्मान ग्रहण गरिसकेर बोल्दै सँस्कृतिविद् जुजुले वैदिक सभ्यता विकास हुनु अघिका सभ्यता, सँस्कृतिको बारे अध्ययन गरी अभिलेखीकरण गरिनुपर्नेमा जोड दिनुभयो ।
अर्का सम्मानित बास्केटबल खेलाडि सुब्रत राजोपाध्यायले ठट्टैठट्टामा बास्केटबल खेल्दै राष्ट्रिय खेलाडी बन्न पुगेछु भन्दै आफ्नो क्षेत्रमा समाजको लागि केही योगदान दिन पाएको महसुस हुँदा गर्व लागेको बताए ।
सोही कार्यक्रममा २०७५ सालको एसइइ परीक्षामा उत्तीर्ण राजोपाध्याय विद्यार्थीहरुलाई पनि सम्मानित गरिएको थियो ।
समाजको वार्षिक कार्य प्रगती प्रतिवेदन पेश गर्दै समाजका महासचिव बिराजकाजी राजोपाध्यायले समाजभित्र लुकेर बसेका प्रतिभाको खोजी गर्ने क्रममा यस वर्ष गायन प्रतिभाको खोजीको थालनी भएको बताउँदै आगामी वर्ष नृत्य प्रतिभाको खोजी गर्ने उद्घोष गर्नुभयो । कोषाध्यक्ष जयन्ती शर्मा राजोपाध्यायले आर्थिक प्रतिवेदन पेश गर्नुभयो ।
समाजका निवर्तमान अध्यक्ष वदन ज्वालानन्द राजोपाध्यायले गत फागुन १७ गते सम्पन्न राजोपाध्याय गायन प्रतिभाको खोजीको अडिसनबाट छानिएका प्रतियोगीहरुको नाम सार्वजनिक गर्नुभयो । समाजका अध्यक्ष अमरराज राजोपाध्यायले समाजको वृहत्ततर विकासका लागि समाज सदैव क्रियाशील रहने प्रतिवद्धता व्यक्त गर्नुभयो ।
कार्यक्रममा वैदिक प्रतिष्ठानका अध्यक्ष उपेन्द्रभक्त सुवेदी, ज्यापु समाजकि सचिव सरिता महर्जन, राजकर्णिकार समाजका अध्यक्ष सुवर्णराज राजकर्णिकार, नेवाः पत्रकार राष्ट्रिय दबूका अध्यक्ष सुरजबीर बज्राचार्य लगायतले जातीय साथै विभिन्न सामाजिक संघसंस्था र विभिन्न तहका सरकारबीचको सहकार्यबाट समाजको विकास हुनसक्नेमा जोड दिएका थिए ।
उपत्यकाका देव ब्राम्हण राजोपाध्यायहरुको छाता संगठनको रुपमा राजोपाध्याय समाजको गठन २०६४ सालमा भएको हो । समाजले वर्षेनी समाजलाई विभिन्न प्रकारले योगदान दिने व्यक्तित्वहरुको सम्मान गर्दै आएको छ ।
Categorized in
पशुपति देवपाटनको देशउद्धार जात्रा स्थगित
Janjati Khabar – जनजाति खबर | २०७६ फाल्गुण २७, मंगलबार
भक्तराज रञ्जितको आत्मवृत्तान्त प्रकाशित
Janjati Khabar – जनजाति खबर | २०७६ फाल्गुण २५, आइतबार
राजेन्द्र रञ्जितको सहयोगमा
Categorized in
