नेपाली चलचित्र ‘कार्की साइँला’ को छायांकनका क्रममा धरान–चतरामा प्राविधिक शम्भु भट्टराईको  अकस्मात् निधन भएपछि चलचित्रकर्मीहरूले शोक व्यक्त गरेका छन्। 

यस घटनापछि चलचित्र विकास बोर्डले स्वर्गीय भट्टराईको अन्त्येष्टि कार्यका लागि चलचित्रकर्मी कल्याण कोषबाट ५० हजार रुपैयाँ आर्थिक सहयोग उपलब्ध गराएको छ। उक्त सहयोग बोर्डका अध्यक्ष दिनेश डीसीले हस्तान्तरण गरेका हुन्।

यस्तै, चलचित्र क्षेत्रका प्राविधिकहरूका लागि गरिएको चलचित्र बीमा कार्यक्रमअन्तर्गत भट्टराईको परिवारले ५ लाख रुपैयाँसम्म बीमा दाबी गर्न सक्ने जानकारी समेत दिइएको छ।

भट्टराईको निधनप्रति चलचित्रकर्मीहरूले श्रद्धाञ्जली अर्पण गर्दै शोकसन्तप्त परिवारप्रति समवेदना व्यक्त गरेका छन्।

Categorized in सिनेमा