काठमाडौं । चलचित्र विकास बोर्डअन्तर्गतको चलचित्रकर्मी कल्याणकारी कोषबाट अस्वस्थ अवस्था मा रहेका  र मृतक चलचित्रकर्मीका परिवारलाई आर्थिक सहयोग प्रदान गरिएको छ । ती मध्ये बिरामी ३ र मृतक १ जना चलचित्रकर्मीको परिवारलाई अर्थ सहयोग उपलब्ध गराइएको हो ।

मस्तिष्कमा रक्तस्राव भएर ग्रिनसिटी अस्पतालमा उपचार गराइरहेका निर्देशक सन्तोष ढकालको परिवारलाई १ लाख रुपैयाँ नगद प्रदान गरिएको छ भने दिवंगत प्राविधिक श्रीकृष्ण तिमल्सिनाको परिवारलाई काजक्रियाको लागि ५० हजार रुपैयाँ, खुट्टा भाँचिएका कलाकार गोकुल सुवेदीलाई ४० हजार र सिरोसिस भएका प्राविधिक उमेश श्रेष्ठको परिवारलाई १ लाख नगद प्रदान गरिएको हो ।

बोर्ड अध्यक्ष दिनेश डीसी, कोषकी अध्यक्ष वसुन्धरा भुसाल, सदस्यद्वय मोहन निरौला र पुष्कर लामाको समूहले विरामीको घर, अस्पताल र मृतकको क्रियापुत्री भवनमा गएर आर्थिक सहयोग प्रदान गरेको हो ।

Categorized in साहित्य-कला