एमाले राष्ट्रियसभा संसदीय दलको नेतामा खिमलाल नियुक्त
Janjati Khabar – Janjati Khabar | २०७८ फाल्गुण २६, बिहिबार
प्रमुख प्रतिपक्षी दल नेकपा एमालेको राष्ट्रियसभा संसदीय दलको नेतामा खिमलाल भट्टराई नियुक्त भएका छन् ।
बिहीबार एमाले अध्यक्ष तथा संघीय संसदीय दलका नेता केपी शर्मा ओलीले भट्टराईलाई राष्ट्रियसभा संसदीय दलको नेतामा नियुक्त गरेका हुन् । भट्टराई यसअघि प्रमुख सचेतक थिए ।
चार वर्षे कार्यकाल सकिएसँगै राष्ट्रियसभा संसदीय दलका नेता सुमन प्याकुरेलको कार्यकाल सकिएपछि भट्टराईलाई नियुक्त गरिएको हो ।
यसैगरी राष्ट्रियसभा संसदीय दलको प्रमुख सचेतकमा देवेन्द्र दाहाल नियुक्त भएका छन् । भट्टराई दलको नेता बनेपछि दाहाललाई प्रमुख सचेतकको जिम्मेवारी दिइएको हो ।