ललितपुर मंगलबजार स्थित कात्ति डबलीमा  हरेक वर्ष प्रदर्शन गरिंदै आएको  विश्व प्रशिद्ध कार्तिक नाच यस वर्ष कार्तिक २७ गतेबाट सुरु हुने भएको कुरा कात्ति प्याखं संरक्षण समितिले जनाएको छ ।  कार्तिक नाच संरक्षण समितिका अध्यक्ष  किरण चित्रकारले जानकारी दिए अनुसार   ऐतिहासिक कात्ति प्यांख  कछलाथ्व चाैथि कात्तिक २७ गते देखिन  मंसिर ८ गते कछलाथ्व पुन्हि सकिमिला पुन्हिसम्म १२ दिनसम्म  लगातार बेलुकी   ७ बजेदेखि देखाइनेछ । कात्ति नाचबारे जानकारी  दिन बिहीबार आयाेजित प्रेस मिट  कात्तिक नाच संरक्षण समितिका अध्यक्ष  किरण चित्रकारकाे अध्यक्षतामा सम्पन्न भएको छ ।

 साे प्रेस मिटमा अध्यक्ष चित्रकारले मूल कुरा राख्नु भएको थियो भने ललितपुर  वडा १६ वडाका वडा अध्यक्ष निर्मल रत्न शाक्यले पनि मन्तव्य राखेका थिई ।  समितिका उपाध्यक्ष  प्रतापधर शर्मा राजाेपाध्यायले धन्यवाद मन्तव्य राखेको प्रेसमा मिट कात्तिक  नाच संरक्षण समितिका प्रचारप्रसार संयाेजक सञ्जय शर्मा राजाेपाध्यायले सहजिकरण गरेका थिए ।

यस वर्षको कात्ति प्याखं नाचको तालिकाअनुसार  पहिलो दिन कार्तिक २७ गते शुक्रवार मंगलबजारस्थित कात्ति  डबलीमा ‘भक्त सुरदास’ प्रदर्शन गरिनेछ ।

त्यसको भोलिपल्ट कार्तिक २८ गते शनिवार माधवानर लीला अन्तर्गत गोपिचन्द्रया बाखं (गोपिचन्द्रको कथा) र २९ गते आइतवार माधवानर लीला अन्तर्गत नै जुजु कामसेनया बाखं (राजा कामसेनको कथा) प्रदर्शन गरिने  भएको छ ।

३० गते सोमवार माधवानर लीलामै देवी प्याखं र मंसीर १ गते माधवानर लीलाकै जुजु विक्रमादीत्यया बाखं (राजा विक्रमादीत्यको कथा) प्रदर्शन गरिनेछ ।

मंसीर २ गते बुधवार बाथः प्याखं च्वलय् खुदां दां खुदां र मंसीर ३ गते बिहिवार बाथः प्याखं कौला खिचा देखाइनेछ । बाथः प्याखं पनि कार्तिक नाचको निकै चर्चित प्रस्तुति मध्येमा पर्छ ।

मंसीर ४ गते शुक्रवार जल शयण (मधुकैटव बध, मंसीर ५ गते शनिवार वराह अवतार हिरण्याक्ष वध देखाइनेछ ।

कार्तिक नाचको सबैभन्दा चर्चित नाच नृसिंह अवतार (हिरण्यकश्यपु वध) मंसीर ५ गते शनिवारको दिन प्रदर्शन गरिने भएको छ ।

मंसीर ७ गते सोमवारका दिन वस्त्रहरण लीला देखाइनेछ भने मंसीर ८ गते मंगलबार दधि लीलासँगै यस वर्षको कार्तिक नाच समापन हुने छ ।

यी सबै प्रस्तुतिहरु हरेक दिन मंगलबजारको कार्तिक डबलीमा बेलुकीको सात बजेबाट सुरु हुने कार्तिक नाच संरक्षण समितिले जनाएको छ ।

कार्तिक नाच मल्लकालमा ललितपुरका राजा सिद्धिनरसिंह मल्लले नेपाल सम्वत ७६१ (वि.सं. १६९७) मा सुरु गर्न लगाएका थिए ।

३८६ वर्षको इतिहास बोकेको यो नाच सुरुवाती कालदेखि न आजसम्म हरेक वर्ष अटुट रुपमा निरन्तर चलिआएको छ । 

Categorized in उपत्यका