सुर्खेत बस दुर्घटनामा एक जनाको मृत्यु, एक बेपत्ता
Janjati Khabar – Janjati Khabar | २०७७ पौष २३, बिहिबार
सुर्खेतको गुर्भाकोट नगरपालिका-९ गराले बजारनजिकै भएको बस दुर्घटनामा परी एक जनाको मृत्यु भएको छ । त्यस्तै, दुर्घटनामा परेका एक बेपत्ता र एक जना गम्भीर घाइते भएका छन् ।
दाङबाट रिजर्भ लिन जाजरकोटको सल्लीबजार जाँदै गरेको बस भेरी नदीमा खसेको थियो । बसमा तीनजना मात्र सवार रहेको गुर्भाकोट नगरपालिकाका-९ का स्थानीय हरि भट्टराईले जानकारी दिए ।
‘अहिले भर्खर मात्र घटनास्थलमा प्रहरी आएको छ,’ उनले भने, ‘बस नदीमा नै खसेको छ । गाडीमा तीन जना मात्र सवार रहेको जानकारी पाएका छौँ ।’
इलाका प्रहरी कार्यालय छिन्चुले पनि बसमा तीन जना सवार रहेको जनाएको छ ।
Categorized in अपराध-दुर्घटना
