साउनमा ३ प्रतिनिधिसभा बैठक बोलाउन सिफारिस
Janjati Khabar – Janjati Khabar | २०७८ आषाढ ३१, बिहिबार
सरकारले पुनर्स्थापित प्रतिनिधिसभाको बैठक ३ साउनका लागि बोलाउन सिफारिस गरेको छ ।
बिहीबार बसेको मन्त्रिपरिषद् बैठकले ३ साउनका लागि प्रतिनिधिसभाको बैठक बोलाउन राष्ट्रपतिलाई सिफारिस गर्ने निर्णय गरेको हो ।
सरकारका प्रवक्ता एवं कानुनमन्त्री ज्ञानेन्द्रबहादुर कार्कीले संसद् बैठक ३ साउन अपराह्न ४ बजे बोलाउन सिफारिस गरिएको जानकारी दिए ।
सोमबार सर्वोच्च अदालतले प्रतिनिधिसभा पुनर्स्थापित गर्दै ३ साउन ५ बजेभित्र बैठक बोलाउन आदेश दिएको थियो ।