काठमाडौं – काठमाडौं महानगरपालिका १८ वडा न्यत (नरदेवी)स्थित श्री श्वेतकाली संरक्षण तथा व्यवस्थापन समाजले श्वेतकाली (ङतमदु अजिमा)को भजन भिडियो सार्वजनिक गरेको छ ।

समाजका अध्यक्ष सत्यनारायण डंगोलले दिनुभएको जानकारीअनुसार माघ ३ गते शनिबार धार्मिक परम्पराअनुसार नरदेवी श्वेतकाली मन्दिरमा ठूलो पर्वपूजा पनि गरिने भएको छ ।

यस पर्वपूजाकै अवसर पारेर श्वेतकाली अजिमाको दुईवटा भजन गीत सार्वजनिक गरेको डंगोलले जानकारी दिनुभएको छ ।

‘सुन्दर शान्त विशाल नेपाल’ शब्द रहेको भजनका रचयिता न्यत टोलका मूल धामी देवकृष्ण महर्जन हुनुहुन्छ भने यसमा किशोर महर्जन, ईश्वर महर्जन, अनिल महर्जन र राहुल महर्जनले आवाज दिएका छन् । यसमा दबदब बाजा अनिल महर्जन, खिंबाजा सुजन नेपाली, बाँसुरी सुमन महर्जन, पर्कसन्स राहुल महर्जनले दिएका छन् । संगीत संयोजन म्याग्निटिक एरेञ्ज इन्टरटेन्टमेन्टको रहेको छ भने भिडियोको सम्पादन आर.के. महर्जनले गरेका छन् ।

(भजन भिडियो हेर्न यहाँ क्लिक गर्नुहोला)

 

Categorized in साहित्य-कला