भ्रष्टाचाविरुद्ध जनकविको कडा कविता
Janjati Khabar – जनजाति खबर | २०७६ चैत्र २७, बिहिबार
काठमाडौं– देशमा अहिलेको कोरोनाको संकट चुलिँदै आएको छ । यसको रोकथाम र नियन्त्रणको लागि देश नै ‘लकडाउन’ छ । यसबीच पनि देशमा भ्रष्टाचार तथा कालोबजारी अझै मौलाएको छ । यस स्थितिलाई जनकवि दुर्गालाल श्रेष्ठले आफ्नो काव्यमार्फत् सावधानी गरेका छन् । प्रस्तुत छ, जनकवि दुर्गालाल श्रेष्ठले आफ्नो फेसबुकमार्फत् प्रकाशित सावधानी कविता (सं.) ।
सावधान !
जनकवि दुर्गालाल श्रेष्ठ
देश विपत्मा पर्दैछ यता
चुलिँदो छ उता भ्रष्टाचार !
योभन्दा अरु के छ र गिर्नु
कम्युनिष्ट अरे यो सरकार !
यो कोरोना जरुर विपत् हो
हुनुपर्दछ यस्को उपचार !
तर योभन्दा त्यो तत्व अहो !
वादैको वनमाराझार !
सावधान है ! बेलैमा यो
फाल्नैपर्छ उखेलेर !
नत्र भोलि यो कोरोना भै
आउनेछ है उम्रेर !
♦
Categorized in सिनेमा
