बेलायतकी महारानी एलिजाबेथ द्वितीयको निधन
Janjati Khabar – एजेन्सी | २०७९ भाद्र २४, शुक्रबार
एजेन्सी - बेलायतकी महारानी एलिजाबेथ द्वितीयको निधन भएको छ । ९६ वर्षीया एलिजाबेथको आज निधन भएको बीबीसीले जनाएको छ ।
समाचारमा जनाइएअनुसार स्कटल्यान्डको बालमोरल दरबारमा उनको बिहीबार निधन भएको हो ।
स्वास्थ्यमा समस्या आएपछि उनी चिकित्सकको निगरानीमा थिइन् ।
उनले दुई पटक नेपालको भ्रमण गरेकी थिइन् ।
बकिङ्घम प्यालेसले रानी एजिलाबेथ द्वितीयको निधन भएको पुष्टि गरेको छ ।
अब उनका ७३ वर्षीय छोरा चार्ल्स बेलायतको नयाँ राजा बन्ने छन् ।
Categorized in अन्तर्राष्ट्रिय
