बालुवाटारमा गठबन्धनको बैठक जारी
Janjati Khabar – Janjati Khabar | २०७९ भाद्र २७, सोमबार
काठमाडौं - प्रधानमन्त्री निवास बालुवाटारमा सत्ता गठबन्धनको शीर्ष नेताहरुको बैठक जारी छ ।
आगामी निर्वाचनमा सिट बाँडफाँडको अन्तिम रुप दिनका शीर्ष नेताहरुको बैठक बसिरहेको हो ।
यसअघि सिट बाँडफाँडका लागि बनेको कार्यदलले पूर्णरुपमा निस्कर्ष दिन नसकेपछि आज शीर्ष नेताहरुको बैठक बसिरहेको हो ।
आजको बैठकले कार्यदलको प्रतिवेदनमाथि छलफल गर्ने र अन्तिम निष्कर्ष निकाल्ने तयारी छ ।
बैठकले सिट बाँडफाँटमा औपचारिक सहमतिको कार्यविधि तयार गर्नेसमेत जनाइएको छ ।
गठबन्धनमा धेरै कुराहरु सहमति भइसकेको र बाँकी केही कुराहरुमा सहमतिको प्रयास भइरहेको नेताहरुको दावी छ ।
Categorized in राजनीति