फेन्सी व्यवसायीको सडक महोत्सव सम्पन्न
Janjati Khabar – Janjati Khabar | २०८० पौष ९, सोमबार
काठमाडौं - फेन्सी व्यवसायी संघ नेपालले ‘नयाँबजार फलफूलचोक सडक महोत्सव’ भव्यताका साथ सम्पन्न गरेको छ ।
काठमाडौं क्षेत्र नं ७ ‘क’का प्रदेश सभासद् बसन्त मानन्धरको प्रमुख आतिथ्यमा सम्पन्न उक्त महोत्सव १० हजार बढी दर्शकले अवलोकन गरेको संस्थाका अध्यक्ष दिनेश श्रेष्ठले बताउनुभयो ।
महोत्सवमा विभिन्न किसिमका झाँकी, मौलिक खानाका साथै फेन्सी सामानका स्टलहरू राखिएको थियो ।
संस्थाका सल्लाहकार चित्र भुजेलले संचालन गर्नुभएको महोत्सवको औपचारिक कार्यक्रम संस्थाका अध्यक्ष दिनेश श्रेष्ठको सभापतित्वमा सम्पन्न भएको हो ।
फेन्सी व्यवसायी संघले रक्तदान, प्राकृतिक तथा दैवी विपत्तीमा परेकाहरूलाई सहयोग, जनचेतनामुलक सरसफाई जस्ता कार्यक्रमहरू गर्दै आइरहेको छ ।
