पाटनमा इतिल्हने सम्यक पर्व सुरु
Janjati Khabar – जनजाति खबर | २०७६ फाल्गुण १४, बुधबार
काठमाडौं– बौद्धधर्ममा ठूलो उत्सवको रुपमा मनाइने पाटन नागबहालको इतिल्हने सम्यक पर्व बुधबार (फागुन १४) बाट सुरु भएको छ । पाँच वर्षको एकपटक यो पर्व मनाइँदै आइरहेको छ ।
यसपटकको ५३ औं सम्यक पर्व मनाइरहेको छ ।
फागुन १५ सम्म हुने यस पर्वमा उपत्यकाका विभिन्न विहार एवं महाविहारबाट बसुन्धरा, आर्यतारा, बोधिसत्व र दीपंकर तथागतलगायत देवगणलाई नागबहालमा पूजाआजाको लागि निमन्त्रणा दिई वज्राचार्य र शाक्यबाट सम्यक दान दिइने चलन छ ।
परम्पराअनुरुप फागुन १४ गते बुधबार बेलुकी ७ बजेदेखि देवीदेवतालाई क्रमबद्ध राखिएको र १० बजे सम्यक महादान हुने मुख्य स्थान नागबहालमा लगिएको छ ।
फागुन १५ गते विहीबार महाविहारका २० ज्येष्ठ व्यक्ति (स्थविरआजु)ले विशेष पुजाआजा गरी दान दिने परम्परा रहेको छ । यही दान दिने कार्य नै पर्वको मुख्य सार हो ।
हिरण्यवर्ण महाविहार (क्वाबहाः) को लागि इतिल्हने सम्यक महादान आयोजक समितिको व्यवस्थापनमा यो पर्व भइरहेको छ ।
Categorized in उपत्यका