नेपाली फुटबल टोलीले पाए नयाँ मुख्य प्रशिक्षक
Janjati Khabar – Janjati Khabar | २०७७ चैत्र २२, आइतबार
काठमाडौँ - कुवेतका नागरिक अब्दुल्लाह अलमुताइरी नेपाली फुटबलको मुख्य प्रशिक्षक बनेका छन् ।
चैत १८ गते बसेको अखिल नेपाल फुटबल संघ (एन्फा) प्राविधिक कमिटीको प्रस्ताव अनुसार एन्फा सचिवालयले उनलाई प्रशिक्षकको जिम्मेवारी दिएको हो ।
यो निर्णयलाई एन्फा कार्यसमितिले अनुमोदन गर्नेछ । उनले आइतबारदेखि नै काम सुरु गर्नेछन् ।
उनको खर्च कतार फुटबल एसोसिएसनले व्यहोर्नेछ ।
नेपालले आउँदो जुन महिनामा विश्वकप छनोट खेल्दैछ । एक वर्षका लागि मुख्य प्रशिक्षकको जिम्मेवारी पाएका अब्दुल्लाहले यो आफ्ना लागि ठूलो चुनौती भएको बताए ।
उनले आफ्नो लक्ष्य एसियन कपमा छनोट हुने रहेको बताए ।
Categorized in खेलकुद
