थप ३७ सय जनामा कोरोना पुष्टि
Janjati Khabar – Janjati Khabar | २०७८ श्रावण २२, शुक्रबार
नेपालमा पछिल्लो २४ घण्टाको अवधिमा ३ हजार ७२९ जनामा कोरोना भाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार १५ हजार ६७५ नमुनाको पिसिआर तथा एन्टिजेन विधिबाट परीक्षण गर्दा सो संख्यामा संक्रमित थपिएका हुन् ।
त्यस्तै सोही अवधिमा १ हजार ८८५ जना निको भएका छन् । योसँगै संक्रमणमुक्त हुनेको संख्या ६ लाख ६५ हजार ५४८ पुगेको छ ।
आज कोरोनाका कारण थप २५ जनाले ज्यान गुमाएका छन् । योसँगै नेपालमा कोरोनाका कारण ज्यान गुमाउनेको संख्या १० हजार नाघेको छ । मन्त्रालयका अनुसार अहिलेसम्म १० हजारस १९ जनाको कोरोनाका कारण मृत्यु भएको छ ।
आज देशभर सक्रिय संक्रमितको संख्या ३४ हजार ९ ४२ पुगेको छ ।