थपिए ७४२५ संक्रमित, १८५ जनाको मृत्यु
Janjati Khabar – Janjati Khabar | २०७८ जेठ १०, सोमबार
नेपालमा थप ७ हजार ४२५ जनामा कोरोना संक्रमण पुष्टि भएको छ ।
पछिल्लो २४ घण्टामा देशभरका प्रयोगशालामा गरिएको परीक्षण थप ७ हजार ४२५ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले जानकारी दिए ।
उनका अनुसार काठमाडौं उपत्यकामा सबैभन्दा बढी २ हजार ७८५ जनामा कोरोना पुष्टि भएको छ । काठमाडौंमा १८०६, ललितपुरमा ६८१ र भक्तपुरमा २९८ जना कोरोनाका नयाँ संक्रमित भेटिएको उनले बताए ।
यस्तै, पछिल्लो २४ घण्टामा कोरोना संक्रमणबाट १८५ जनाको मृत्यु भएको प्रवक्ता गौतमले बताए । उनका अनुसार सोमबार ७ हजार १३५ जना कोरोना संक्रमणमुक्त भएका छन् ।
Categorized in स्वास्थ्य-मौसम
