थपिए ४१ सय कोरोना संक्रमित, थप ३५ जनाको मृत्यु
Janjati Khabar – Janjati Khabar | २०७८ श्रावण २०, बुधबार
नेपालमा पछिल्लो २४ घण्टाको अवधिमा ४ हजार १०७ जनामा कोरोना भाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार १६ हजार २९८ नमुनाको पीसीआर तथा एन्टिजेन विधिबाट परीक्षण गर्दा सो संख्यामा संक्रमित थपिएका हुन् ।
सोही अवधिमा नेपालमा ३५ जना कोरोना संक्रमितको मृत्यु भएको छ । यससँगै नेपालमा कोरोना संक्रमणबाट मृत्यु हुनेको संख्या ९ हजार ९५७ पुगेको छ ।
बुधबार देशभरबाट एक हजार ५ सय ३५ जना कोरोनामुक्त भएका छन् ।