जाजरकोट बस दुर्घटनामा पाँच जनाको मृत्यु, २९ घाइते
Janjati Khabar – Janjati Khabar | २०७८ मङ्सिर १२, आइतबार
काठमाडाैं, १२ मंसिर- जाजरकोटमा बस दुर्घटना हुँदा पाँच जनाको मृत्यु भएको छ । नेपालगञ्जबाट जाजरकोटको राडिबजार जाँदै गरेको ना छ ख २७५७ नम्बरको बस बराहचौर नजिक दुर्घटना हुँदा पाँच जनाको घटनास्थलमै मृत्यु भएको प्रहरीले जनाएको छ ।
जाजरकोटका डीएसपी मधुकुमार थापाका अनुसार गए राति भएकाे दुर्घटनामा पाँच जनाको मृत्यु हुनका साथै २९ जना घाइते भएका छन् । उनीहरूमध्ये केहीको अवस्था गम्भीर रहेको डीएसपी थापाले बताए ।
उनले भने, ‘पाँच जनाको मृत्यु भएको छ, २९ जना जति घाइते छन्, केही सिरियस छन् ।’ घाइतेहरूको जिल्ला अस्पताल जाजरकोटमा उपचार भइरहेको छ ।
प्रहरीका अनुसार बस सडकबाट झण्डै दुई सय मिटर तल खसेर दुर्घटना भएको हो । दुर्घटनाकाे विस्तृत विवरण आउन बाँकी रहेकाे प्रहरीले जनाएकाे छ ।
Categorized in अपराध-दुर्घटना
