चिकंमुगलमा गणेशको मूर्ति पुनर्स्थापन गरिने
Janjati Khabar – जनजातिखबर संवाददाता | २०७७ आश्विन २१, बुधबार
काठमाडौं – काठमाडौं मनपा २० वडास्थित चिकंमुगल टोलमा गणेशको मूर्ति पुनर्स्थापन गरिने भएको छ ।
१८ औं शताब्दीको गणेशको मूर्ति चोरी भएपछि रिक्त स्थानमा नयाँ मूर्ति पुनर्स्थापन गर्न स्थानीयको पहलमा समिति नं गठन भएको छ ।
चिकंमू टोल गणेश मूर्ति पुनःस्थापना समितिले नयाँ मूर्ति पुनस्र्थापनाको लागि सबै श्रद्धालुमा अपिल समेत गरेको छ ।
समितिले जनाएअनुसार पुरानो मूर्ति चोरी भएको १८ वर्ष बितिसकेकोले चिकंमुगः डबलीमा रिक्त रहेको स्थानमा नयाँ मूर्ति राखिन लागेको हो ।
हालसम्म केही श्रद्धालु भक्तजनहरुबाट सहयोग पनि प्राप्त भइरहेको समितिले जनाएको छ ।
Categorized in उपत्यका