काठमाडौं – कोरोना संक्रमण नियन्त्रणको लागि क्वारेन्टाइनमा बसेका एक जना युवकको आइतबार बिहान मृत्यु भएको छ । बाँकेको नरैनापुर गाउँपालिकाको दीपेन्द्र स्कुलको क्वारेन्टाइनमा बसेका २४ वर्षका युवकको मृत्यु भएको हो । क्वारेन्टाइनमा उपचार नपाएकाले ती युवकको मृत्यु भएको स्थानीयबासीको आरोप छ । मृत्युपछि उनीहरुले यसको विरोध जनाएका छन् । ती युवक वैशाख ३० गते भारतबाट आएपछि क्वारेन्टाइनमा बसेका थिए । स्वास्थ्य बिग्रिएपछि उनलाई अस्पताल लैजान स्थानीयले एम्बुलेन्सलाई खबर गरे पनि पीपीई नभएका कारण चालकले नेपालगञ्ज लैजान नमानेको स्थानीयले जानकारी दिएका छन् । मृतक युवकको मेडिकल रिपोर्ट आएपछि मात्रै मृत्युको कारण थाहा हुने जनाइएको छ । Categorized in राष्ट्रिय