कोरोना संक्रमणबाट संविधानसभा सदस्यको निधन
Janjati Khabar – Janjati Khabar | २०७८ बैशाख ११, शनिबार
कोरोना भाइरसको संक्रमणबाट संविधानसभा सदस्य मोहम्मद सिद्दिकीको निधन भएको छ । बाँकेको नेपालगञ्ज- ३ निवासी संविधानसभा सदस्य सिद्दिकीको शनिबार उपचारका क्रममा निधन भएको हो ।
कोरोना संक्रमण भएपछि केही दिनदेखि उनको भेरी अस्पतालको भेन्टिलेटरमा राखेर उपचार भइरहेको थियो । उनको उपचारका क्रममा शनिबार निधन भएको नेपाली कांग्रेस बाँकेले जनाएको छ ।
उनी २०३६ सालदेखि प्रजातान्त्रिक आन्दोलनमा सक्रिय रहँदै आएकी थिइन् । मुश्लिम महिलाहरूको हकअधिकारका लागि संघर्ष गरेकी उनले राष्ट्रिय तथा अन्तर्राष्ट्रिय रूपमै चर्चा कमाएकी थिइन् । भारतबाट अङ्ग्रेजी साहित्यमा स्नातक गरेकी सिद्दिकी दुई छोरा र एक छोरीकी आमा छन् ।
