कीर्तिपुरका जनप्रतिनिधि एवं कर्मचारीमा कोरोना संक्रमण
Janjati Khabar – ललेन्द्र शाक्य | २०७७ आश्विन २१, बुधबार
कीर्तिपुर – कीर्तिपुर नगरपालिकाभित्र वडाध्यक्ष र सदस्यहरुमा कोरोना संक्रमण पुष्टि भएको छ ।
कीर्तिपुर ९ वडाध्यक्ष गंगाराम महर्जनसहित केही वडासदस्यहरुमा कोरोना संक्रमण देखिएको उपमेयर एवं प्रवक्ता सरस्वती खड्का रिजालले एक विज्ञप्ति सार्वजनिक गर्दैै यसको जानकारी दिएका हुन् ।
महर्जनलाई यो दोस्राेपटक संक्रमण भएकाे हो ।
नगरपालिकाले आफ्ना दुईजना कर्मचारीमा पनि कोरोना संक्रमण पुष्टि भएको जनाएको छ । नगरपालिकाका वडाध्यक्षहरुकोे कोरोना पोजेटिभ पुष्टि भएसँगै उपमेयर एवं प्रवक्ता सरस्वती खड्का रिजालले नगरपालिकाले सम्पूर्ण नगरबासीलाई सचेत एवं सर्तकता अपनाउन समेत अनुरोध गरेकी छिन् ।
यसअघि महर्जनसँगै कीर्तिपुर १ वडाध्यक्ष एवं सरसफाइ विभाग प्रमुख हर्ष महर्जनलाई संक्रमण भएकाे थियाे । संक्रमण देखिएपछि उनीहरु राराहिल स्कुलको क्वारेन्टाइनमा बसेर संक्रमण मुक्त भएका थिए ।
यसैगरी १० वडाध्यक्ष अमन महर्जनलाई पनि कोरोना संक्रमण भएको छ भने महर्जन अहिले पनि होम क्वारेन्टाइनमै रहेका छन् ।
Categorized in उपत्यका
