काठमाडौं र भक्तपुरका सिडिओ फेरिए
Janjati Khabar – Janjati Khabar | २०७७ मङ्सिर ८, सोमबार
काठमाडौं – काठमाडौं र भक्तपुरका प्रमुख जिल्ला अधिकारी फेरिएका छन् ।
काठमाडौंमा हाल रहेका सीडीओ जनकराज दाहाल र भक्तपुरकी सीडीओ हुमकला पाण्डेको गृह मन्त्रालयमा सरुवा गरिएकाे छ । काठमाडौंमा काली पराजुली आएका छन् भने भक्तपुरमा प्रेम भट्टराई गएका छन् ।
दाहाल र पाण्डे दुवैले एक वर्ष कार्यअवधि पूरा गरेपछि सरुवा गरिएको गृहका एक अधिकारीले बताए । काठमाडौका नयाँ सीडीओ पराजुली अख्तियार दुरुपयोग अनुसन्धान आयोगमा कार्यरत थिए ।
त्यस्तै भक्तपुरका सीडीओ भट्टराई धनुषामा प्रमुख जिल्ला अधिकारी थिए । भट्टराईकाे सरुवा भएपछि धनुषामा बन्धु बाँस्तोलालाई पठाइएको छ ।
Categorized in उपत्यका