उपत्यकामा थपिए ५ हजार २९९ जना कोरोना संक्रमित
Janjati Khabar – Janjati Khabar | २०७८ माघ ७, शुक्रबार
काठमाडौं, माघ ७ - काठमाडौं उपत्यकामा थप ५ हजार २ सय ९९ जनामा कोरोना भाइरसको संक्रमण पुष्टि भएको छ ।
पछिल्लो २४ घण्टामा गरिएको परीक्षणमा काठमाडौंमा ४२७९, ललितपुरमा ५६७ र भक्तपुरमा ४५३ जनामा कोरोना पुष्टि भएको स्वास्थ्य तथा जनसंख्या मन्त्रालयले जनाएको छ ।
शुक्रबार देशभर १० हजार ७०३ जनामा संक्रमण पुष्टि भएको छ । स्वास्थ्य मन्त्रालयका अनुसार, पछिल्लो २४ घण्टामा ७६६ जना कोरोना संक्रमणमुक्त भएका छन् भने तीन जनाको मृत्यु भएको छ ।
याेसँगै देशभर कोरोनाका सक्रिय संक्रमितको संख्या ६५ हजार ३ सय ७४ पुगेको छ ।
