ईन्द्रजात्राको लागि गणेश र भैरव फेरिने
Janjati Khabar – जनजाति खबर | २०७६ चैत्र ५, बुधबार
काठमाडौं– ईन्द्रजात्राको अवसरमा जीवित देवी कुमारीसँगै गणेश र भैरवको पनि रथयात्रा हुँदै आएको छ । यसपटकको ईन्द्रजात्रामा भने नयाँ गणेश र भैरव छानिने तयारी भइरहेको छ ।
वर्तमान गणेश र भैरव छानिएकाहरुको उमेर १४ वर्ष पुगिसकेकाले नयाँ गणेश र भैरव छानिन लागेको हो ।
ईन्द्रजात्रा व्यवस्थापन समितिले दिएको जानकारीअनुसार नयाँ गणेश र भैरव छान्नको लागि सम्बन्धित निकाय र गुठीसँग छलफल भइसकेको छ ।
पचाङ्ग निर्णायक समितिले गणेश र भैरव फेर्नको लागि साइत हेर्ने भएको छ भने गुठी संस्थानले पनि यसको लागि छलफलको तयारी गरिरहेको छ ।
ईन्द्रजात्रा व्यवस्थापन समितिका अध्यक्ष गौतम शाक्यले जनजाति खबरलाई दिएको जानकारीअनुसार यही रामनवमीको दिन गणेश र भैरव फेर्नको लागि गुठी संस्थानलाई अनुरोध गरिसकेको छ ।
Categorized in उपत्यका
