काठमाडौं– समाजसुधारक आनन्दसिद्धि तुलाधरको संस्मरण, कथा एवं कविता संग्रह ‘लिजः’ शनिबार (चैत १ गते) विमोचन भएको छ । काठमाडौंको पकनाजोलमा प्रमुख अतिथि चन्द्रानन्द नेवाःले विमोचन गरेको उक्त संग्रहमा पाँचवटा संस्मरण, २४ वटा कविता व २६ वटा कथा संग्रहित छन् । नेपालभाषा परिषद्का आयोजनामा भएको विमोचन कार्यक्रमलाई कवयित्री प्रतिसरा साय्मिले सञ्चालन गरेका थिए । पुस्तकमा समाविष्ट मुख्य मुख्य रचनाबारे नेवार अगुवा मल्ल के. सुन्दरले समीक्षात्मक विचार राखेका थिए । कार्यक्रममा परिषद्का अध्यक्ष प्रा. सुवर्ण शाक्यले पुस्तक प्रकाशित गर्नुभनेको विचारको सम्प्रेषण गर्नुको साथै प्रकाशित साहित्य युगसापेक्ष हुनुपर्ने विचार राखेका थिए । कार्यक्रममा लेखक तुलाधरको ‘अकुपाइ तिनख्यः’ नामक कविता उनकी छोरी एवं साहित्यकार दिव्या ताम्राकारले वाचन गरी सुनाएका थिए ।

नेवाः सुचना केन्द्रका अमिरमैयाँ रञ्जितको सहयोगमा

Categorized in उपत्यका