साहित्यकार तथा सञ्चारकर्मी फूलमान बल नेपाल टेलिभिजनको महाप्रबन्धकमा नियुक्त
Janjati Khabar – विजयरत्न असंबरे | २०७७ चैत्र ६, शुक्रबार
साहित्यकार, रंग पत्रकार तथा चलचित्र निर्देशक फूलमान बल नेपाल टेलिभिजनको महाप्रबन्धकमा नियुक्त भएका छन् ।
बिहिबार बसेको मन्त्रिपरिषदको बैठकले बललाई चार वर्षका लागि नियुक्त गरेको हो ।
यसअघिका महाप्रबन्धक गोविन्द रोक्काको कार्यकाल सकिएपछि सञ्चार मन्त्रालयले महाप्रबन्धक पदमा दरखास्त आह्वान गरेको थियो ।
प्रतिस्पर्धीमध्येबाट फूलमानलाई सरकारले नियुक्त गरेको हो ।
काभ्रेपलाञ्चोकका फुलमान पत्रकारिता तथा साहित्य र सिनेमा निर्देशनमा समेत संलग्न छन् । उनी निर्देशित सेलफोन नामक लघु चलचित्र अत्यन्तै चर्चित सिनेमा हो भने उनको निर्देशनमा बनेको‘निरफूल’ प्रदर्शनको तयारीमा छ । यो चलचित्रमा दयाहाङ राई र रेखा थापा लगायतको मुख्य भुमिका रहेको छ ।
Categorized in व्यक्तित्व