संसद सचिवालयका उपसचिवको कोरोना संक्रमणबाट मृत्यु
Janjati Khabar – Janjati Khabar | २०७८ बैशाख २४, शुक्रबार
कोरोना भाइरसको संक्रमणबाट संघीय संसद सचिवालयमा कार्यरत एक जना उपसचिवको मृत्यु भएको छ ।
तनहुँका ५० वर्षीय उपसचिवको शुक्रबार बिहान उपचारका क्रममा शहीद मेमोरियल अस्पताल कलंकीमा मृत्यु भएको हो । बुधबार स्वाब परीक्षण गर्दा उनमा कोरोना संक्रमण पुष्टि भएको थियो ।
संसद सचिवालयका सहायक प्रवक्ता दशरथ धमलाले कानुन शाखाका उपसचिवको मृत्यु भएको पुष्टि गरे । कोरोना संक्रमण पुष्टि भएपछि उनी उपचारका लागि शहीद मेमोरियल अस्पतालमा भर्ना भएका थिए ।
ती उपसचिवमा मुटु र पत्थरीको समस्या रहेको बताइएको छ ।
