STC 810x100 adv
nepal invest ment
janswastha 11 11 78

वायु प्रदूषण बढेपछि शुक्रबारसम्म विद्यालय बन्द हुने

Janjati Khabar – Janjati Khabar | २०७७ चैत्र १६, सोमबार

काठमाडाैं - शिक्षा, विज्ञान तथा प्रविधि मन्त्रालयले वायु प्रदूषण बढेपछि देशभरका शिक्षण संस्था चार दिन बन्द गर्ने निर्णय गरेको छ।

मन्त्री कृष्णगोपाल श्रेष्ठको अध्यक्षतामा मन्त्रालयमा सोमबार बसेको आकस्मिक बैठकले सम्पूर्ण शिक्षण संस्था बन्द गर्ने निर्णय गरेको हो।

बैठकले मंगलबारदेखि शुक्रबारसम्म सबै शिक्षण संस्था बन्द गर्ने गर्ने निर्णय गरेको हो।

बैठकमा बोल्दै मन्त्री श्रेष्ठले वायुमण्डलमा देखिएको मौसम प्रतिकूलताको कारण शिक्षण संस्था बन्द गर्नुपरेको जानकारी दिए।

बैठकमा शिक्षा सचिव रामप्रसाद थपलिया, विज्ञान सचिव डा. सञ्जय शर्मा, मन्त्रालयका प्रवक्ता एवम् सहसचिव दीपक शर्मा, सहसचिव डा. हरि लम्साल, शिक्षा, तथा मानव श्रोत विकास केन्द्रका महानिर्देशक वैकुष्ठ अर्याल लगायतको उपस्थिति थियो।

बैठकअघि मन्त्री श्रेष्ठले प्रधानमन्त्री केपी शर्मा ओलीसँग परामर्श गरेका थिए।

लगत्तै मन्त्रालयमा भएको बैठकमा मन्त्री श्रेष्ठले लाखौं विद्यार्थीमा हुनसक्ने स्वाथ्य प्रतिकूलताको कारण सबै शिक्षण संस्था बन्द गर्नुपरेको बताए।

डढेलोको कारण प्रदूषणका कण वायुमण्डलमा जम्मा भई विगत केही दिनदेखि काठमाडौं उपत्यकालगायत देशका विभिन्न भागमा तुवाँलो लागेको छ । तुवाँलो हट्नका लागि वायुको वेग बढ्नुका साथै वर्षा हुनुपर्ने भएकाले अझै केही दिन यो कायम रहने मौसमविद्को अनुमान छ ।

Categorized in शिक्षा