ललितपुरको मेयर चिरीबाबु महर्जन र उपमेयर मञ्जली शाक्य निर्वाचित
Janjati Khabar – Janjati Khabar | २०७९ जेठ १०, मंगलबार
काठमाडौं - चिरीबाबु महर्जन ललितपुर महानगरपालिकाको मेयरमा पुनः निर्वाचित भएका छन् ।
नेपाली काङ्ग्रेसका उम्मेदवार चिरीबाबु ४२ हजार सात सय २२ मत ल्याएर विजयी भएका हुन् ।
उनले निकटतम् प्रतिद्वन्द्वी नेकपा (एमाले)का हरिकृष्ण व्यञ्जनकारलाई १८ हजार एक सय ६२ मतान्तरले पराजित गरे । व्यञ्जनकारले २४ हजार पाँच सय ६० मत ल्याएका छन् ।
चिरीबाबु २०७४ सालको निर्वाचनमा पनि ललितपुरको मेयर निर्वाचित भएका थिए ।
उपमेयरमा एमालेकी मञ्जली शाक्य २५ हजार ८४ मतसहित विजयी भएकी छिन् । उनले गठबन्धनबाट नेकपा (माओवादी केन्द्र)का उम्मेदवार बाबुराज बज्रचार्यलाई पराजित गरिन् ।
बज्राचार्यको १८ हजार सात सय ५२ मत आएको छ ।
Categorized in उपत्यका
