ललितपुर स्थित मयुरबर्ण महाबिहार भिन्छेबहालबाट बि सं २०३८ सालमा चोरिएको मुर्ति अमेरिकाबाट फिर्ता भइ पुरातत्व बिभाग संग प्रकृया पुर्ण गरि छाउनिस्थित राष्ट्रिय सङ्ग्रहालयबाट सुरक्षित रुपमा भिन्छेबहालमै फर्काइएको छ । सो हराएको मुर्ति बि सं २०५६ मै अमेरिकाबाट  ल्याइएको थियो । सङ्ग्रहालय प्रमुख जयराम श्रेस्ठका अनुसार लामो समयदेखि ललितपुरको मयुरबर्ण महाबिहार भिन्छे बहालका सम्बन्धित पक्षबाट खोजिनिति भएतापनि भेट्टाउन सकिरहेको थिएन । र राष्ट्रिय संग्रहालय मा रहेको थाहा पाए पछि पुनर्स्थापनाको लागी निबेदन गरिएको थियो ।

मयुरबर्ण महाबिहार सुधार समितिका अध्यक्ष सुरेन्द्र बज्राचार्य बताउनु भए अनुसार   ८/९ औं शताब्दिको उक्त बोधिसत्वको मुर्ति बन्धुदत्त आचार्यका छोरीका सन्ततिहरुले स्थापना गरेको इतिहास रहेको कुरा देखिन्छ । बोधिसत्वको उक्त मुर्ति चोरी पछि उक्त स्थानमा त्यसैको प्रतिरुप अर्को मुर्ति स्थापना गरिएको थियो ।

ललितपुर महानगरपालिकाका उपमेयर गिता सत्याल , ललितपुर महानगरपालिका वडा नं ७ का वडाअध्यक्ष कुलबहादुर महर्जन लगायत जनप्रतिनिधिहरु तथा मयुर बर्ण महाबिहारका स्थानिय बासिन्दाहरुको उपस्थितिमा आज एक समारोहका बीच छाउनिस्थित राष्ट्रिय सङ्ग्राहालयका प्रमुख जयराम श्रेष्ठले हस्तान्तरण गर्नु भएको थियो ।

यस अघि बज्रबाराहिबाट हराएको मुर्ति र नक्साल स्थित पद्मपाणि मुर्ति पनि सम्बन्धित पक्षलाई हस्तान्तरण गरिसकेको कुरा सङ्र्ग्राहलय अधिकृत सुभाष कृष्ण डंगोलले बताउनु भयो । साथै अझै पनि हराएर भेट्टाइएका दर्जनौं मुर्ति , तुंडाल लगायत सम्पदाहरु संग्ग्राहालयमा रहेका छन । यसमा सम्बन्धित पक्षले तदारुकता देखाउनु जरुरि रहेको राय धेरैले व्यक्त गरेका छन्  ।

Categorized in उपत्यका