फागुन २४ गते खबरदारी सभा, २८ गते प्रतिरोध सभा
Janjati Khabar – Janjati Khabar | २०७७ फाल्गुण २१, शुक्रबार
काठमाडौं – काठमाडौंको बालाजुमा यही फागुन २४ गते खबरदारी सभा गरिने भएको छ । विकासको नाममा विस्थापित भएकाहरुको पुनस्र्थापनाको नारा दिँदै सो खबरदारी सभा हुन लागेको हो ।
दिउँसो २ बजे हुने उक्त सभामा नेवार अगुवाहरुले सम्बोधन गर्ने कार्यक्रम रहेको छ ।
यसैगरी, मातृभाषा बोलेको निहुँमा प्रहरीले पक्राउ गरेको विरोधमा फागुन २८ गते ललितपुरको मंगलबजारमा प्रतिरोध सभा हुने भएको छ ।
केही दिनअघि उपत्यका सडक विस्तार पीडित संघर्ष समितिका अध्यक्ष सुमन सायमिलगायतलाई नेपालभाषामा बोलेको आरोपमा प्रहरीले गैरकानुनी रुपमा पक्राउ गरेको थियो ।
यस्तो भाषिक दमनको विरोधमा नेवाः देय् दबूको संयोजनमा उपत्यका सडक विस्तार पीडित संघर्ष समितिलगायत विभिन्न संघसंस्थाको आयोजनामा सो प्रतिरोध सभा हुन लागेको हो ।
Categorized in उपत्यका