थप ५ हजार ५८३ जनामा कोरोना पुष्टि, नौ जनाको मृत्यु
Janjati Khabar – Janjati Khabar | २०७८ माघ १८, मंगलबार
माघ १८, काठमाडौं - नेपालमा थप ५ हजार ५८३ जनामा कोरोना भाइरसको संक्रमण पुष्टि भएको छ ।
पछिल्लो २४ घण्टामा १७ हजार ६७४ जनाको नमूना परीक्षण गर्दा थप ५ हजार ५८३ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार, काठमाडौंमा १४०४, ललितपुरमा ३०८ र भक्तपुरमा १९५ जनामा कोरोना पुष्टि भएको छ ।
पछिल्लो २४ घण्टामा ८ हजार २ सय ६७ जना कोरोना संक्रमणमुक्त भएका छन् भने नौ जनाको मृत्यु भएको छ।
योसँगै देशभर कोरोनाका सक्रिय संक्रमितको संख्या ७४ हजार ६ सय ५३ पुगेको छ ।