कोरोनाविरुद्धकाे चिनिया खाेपलाई अनुमति
Janjati Khabar – एजेन्सी | २०७८ बैशाख २५, शनिबार
विश्व स्वास्थ्य संगठन (डब्लूएचओ) ले चिनले विकास गरेको कोरोना भाइरसविरुद्धको खोपलाई आपतकालीन प्रयोगको अनुमति दिएको छ ।
चीन सरकारको स्वामीत्वमा रहेको सिनोफार्मले विकास गरेको कोभिड खोपलाई डब्लूएचओले आपत्कालीन प्रयोगको अनुमति दिएको हो ।
यो खोप नेपालमा पनि दिइएको छ । चीन सरकारले नेपाललाई यो खोपको ८ लाख डोज उपलब्ध गराएको थियो ।
डब्ल्यूएचओले यसअघि फाइजर, आस्ट्राजेनेका, जोन्सन एन्ड जोन्सन र मोडेर्नाले बनाएको खोपलाई अनुमति दिइसकेको छ ।
