अनलाइन क्षेत्रमा सकृय संसार अनलाइन ग्रुपका जनरल म्यानेजर तथा रिपोर्टर विरबल रोका क्षेत्रीले कतारका लागि नेपाली  राजदूत महामहिम डा.नरेश विक्रम ढकाल संग एक  विशेष भेटवार्ता सम्पन्न गरेको छ । यसै क्रममा  महामहिम राजदुत डा. नरेश विक्रम ढकालले , "म भ्रष्टाचार गर्दिन। म भ्रष्टाचार हुन दिन्न। म देश र जनताका लागि इमानदार भएर काम गर्ने प्रतिज्ञा गर्दछु।” भनेर भन्नु भएको छ । उहाँले आफु  कुनै राजनैतिक दलहरुसंग संलग्न नभएको  एउटा विशुद्ध समाजसेवी, प्रधानाध्यापक र कानुन ब्यवसायी भएको दावी गर्नु हुँदै आफू  पेशागत रुपमा म शिक्षक भएको र आफूलाई शैक्षिक पेशा नै सर्वोत्कृष्ट लाग्छ भनेर भन्नु भयो।

  उहाँ ले  आफूलाई झुठो बोल्न नआउने र भ्रष्टाचारी को घोर बिरोधी भनेर भन्नु भयाे र उहाँले,"यदि मैले जीवनमा पैसाको मुख हेरेको भए मैले LLB गरेको छु। म कानुन ब्यवसायी भएर झुठो लाई साँचो र साँचो लाई झुठो बनाएर पैसा कमाउँथे होला तर मलाई बेमानी गरेर जिउनु छैन। म सत्यको बाटोमा हिड्ने बटुवा हो । गलत काम र गलत बाटोमा कदापि लाग्दिन। म एउटा निम्न परिवारमा  हुर्केको किसानको छोरा हुँ।मेरा मातापिताले साँचो बोलेर दुश्मनी मोल्नु भयो तर झुठो बोलेर कहिले मित्रता गास्नु भएन। समाज,क्षेत्र र देश प्रति मैले दिएको योगदानलाई मध्य नजर गरेर नेपाल रास्ट्रले मलाई अहिले दिएको जिम्मेवारी (राजदुत)नेपाली राजदुतावास दोहा,कतार। यो गरिमामय पदको उच्च सम्मानका साथ मैले मेरो कार्यलाई निस्वार्थ र निष्पक्ष ढंगले अगाडि बढाई रहने छु। 

नेपाली राजदुतावास दोहा,कतार ले दिने सेवा सुविधाहरुमा आबद्ध सम्पुर्ण कर्मचारीको योगदान कदर दायिक रहेको  छ। मेरो कार्यकालमा  कतार र नेपाल बीचको समन्धलाई अझै बलियो बनाउने छु। मेरो कार्यकालमा कतारमा रहनु हुने श्रमिक नेपाली दाजुभाई-दिदीबहिनीहरुको नेपाली राजदुतावास सम्बन्धित कार्यहरु निस्वार्थ र निष्पक्ष ढंगले सुल्झाउने अर्थात पुरा गर्ने छु।मेरो आनि बानी को कुरा गर्नु पर्दा म सरल र सोझो ब्याक्ती हुँ । तर म नातावाद, कृपावाद, पार्टीवाद र लालचवाद जस्ता तुच्छ किसिमको व्यक्ती लाई घिर्ना गर्छु तेस्तो व्यक्ती हरु देखी म टाढा बस्छु। ” भनेर आफ्नो दृढता पनि पोख्नु भयाे ।

Categorized in साहित्य-कला