उपत्यकामा ६ हजार र देशभर ११ हजार बढी संक्रमित थपिए
Janjati Khabar – Janjati Khabar | २०७८ माघ ५, बुधबार
काठमाडौं उपत्यकामा थप ६ हजार २ सय ४३ जनामा कोरोना भाइरसको संक्रमण पुष्टि भएको छ ।
पछिल्लो २४ घण्टामा गरिएको परीक्षणमा काठमाडौंमा ४६६६, ललितपुरमा १०१९ र भक्तपुरमा ५७८ जनामा कोरोना पुष्टि भएको स्वास्थ्य तथा जनसंख्या मन्त्रालयले जनाएको छ ।
बुधबार देशभर ११ हजार ३ सय ५२ जनामा संक्रमण पुष्टि भएको छ । स्वास्थ्य मन्त्रालयका अनुसार, पछिल्लो २४ घण्टामा ६१३ जना कोरोना संक्रमणमुक्त भएका छन् भने चार जनाको मृत्यु भएको छ ।
याेसँगै देशभर कोरोनाका सक्रिय संक्रमितको संख्या ४७ हजार ९ सय २९ पुगेको छ ।
